Илјадници посетители уживаа во концертот на Каролина Гочева на плоштадот „Св. Климент Охридски“, што се одржа во рамки на манифестацијата „Бела ноќ“, со која официјално е отворена туристичката сезона во Охрид. Забавата ја збогатија Панчо и ДНК и диџеите Лефанк и Ајсберг.


Каролина Гочева

Присутните ги поздрави градоначалникот Никола Бакрачески кој посака успешна туристичка сезона, посочувајќи дека целта е Охрид да биде центар на забавата на Балканот.


Покрај забавниот дел, гостите имаа можност да се запознаат со туристичките потенцијали на Охрид и со традиционалните занаети, кои беа изложени на посебни штандови на повеќе локации во градот.


Белата ноќ ја подржаа над 90 хотелски и угостителски објекти кои денеска работат 24 часа со попуст на услугите од 10 до 30 проценти.

OhridNews
фото: Дигитал фото Мики