Фото: Со концерт на Ванеса Меј во магичниот амбиент на Античкиот театар отворено 59-то „Охридско лето“

Со концерт на светски познатата виолинистка Ванеса Меј, вечерва на Античкиот театар, започна 59-то издание на фестивалот „Охридско лето“.

Меј инспирарана од магичниот амбиент на Античкиот театар една од почетните теми ја посвети на еден од најголемите војсководци во историјата.

Оваа нумера е посветена на Александар Македонски, а ова е вистинсото место таа да биде изведена. – рече Меј за што доби громогласен аплауз.

Фестивалот за отворен го прогласи претседателот на државата Стево Пендаровски, кој ги истакна универзалните вредности на уметноста.

Во наредните 40 дена ќе бидеме граѓани на уште една заедничка татковина. Таа постои уште од почетокот. Во неа се зборува на универзален јазик Во неа има место за сите. Татковината за која зборувам е уметноста. – рече Пендаровски.

Од сцената на Античкиот театар претседателот упати порака за зачувување и на универзалните вредности на Охрид поради кои тој е прогласен за светско природно и културно наследство заштитено од УНЕСКО.

Мора да направиме се што е во наша моќ да го зачуваме статусот на Охрид во УНЕСКО. – порача претседателот Пендаровски.

Присутните на свеченото отварање, меѓу кои се премиерот Зоран Заев и членови на владата, градоначалникот на Охрид Константин Георгиески, претставници на дипломатскиот кор и многу познати лица од јавниот живот, ги поздрави министерот за култура Хусни Исмаили.

Охридско лето е најголем амбасадорр на нашата култура во светот.– рече Исмаили.

Пораката од име на уметниците учесници на фестивалот ја прочита режисерот Александар Поповски, кој своето обраќање го посвети на драматургот Горан Стефановски. Неговите пораки, рече тој, се актуелни и во денешно време.