Најмладите синоќа имаа можност да уживаат во детската забава со Супер ѕвездите и Дарко Мијалкоски што ЈП „Билјанини извори“ ја организираше на отворениот базен.
Со овој настан започнува најавениот проект на јавното претпријатие „Билјанини извори за децата“, во чии рамки ќе бидат одржани фестивали, ноќно кино, куклен театар и многу други друштвени игри за сите возрасни групи.
Од ЈП „Билјанини извори“ најавуваат дека во наредните дваесетина дена ќе бидат организирани повеќе настани за деца, а на 8-ми август во соработка со ПК „Охридски Бранови“ по подолго време ќе се одржи и пливачки митинг.
OhridNews
