Пролетта, сончевите денови и празниците „донесоа“ гости, а охридските угостители спремно ги дочекаа. На Плоштадот им постелија маси и столици за да можат да уживаат со кафенце, весник или разговор со пријатели. Фино, ама масите толку се „намножиле“ што уште малку ќе нема место да се помине. Што се однесува до сопствениците на кафулиња, би го претвориле центарот во една голема летна тераса. За шетачите не им е грижа. Добро, можеби ќе се сопнат на некоја од масите па ќе седнат да пијат кафе.
Оние што треба да се грижат за состојбата со терасите, инспекциските служби, најавуваат т.е. нивниот прв човек вели „дека ситуацијата пред Први мај ќе биде решена, со проект и со одредена линија која ќе ја обележува „границата“ до каде да бидат масите“.
Пешаците „загрозени“ и во пешачката зона
С. Костоски
