Фото: Врел бакнеж за големиот успех на Томи

Извонреден кам бек на Охридскиот пливачки маратон имаше искусниот македонски пливач и миленик на охриѓани, Томи Стефановски. Дека не е сеуште за „старо железо“, скротителот на Ла Манш покажа на јубилејното 25-то издание на најзначајната спортска манифестација во земјава. Во неизвесен финиш тој за три секунди беше побрз од најдобро пласираниот македонски маратонец во Генералниот пласман од светската серија на ФИНА, Евгениј Поп Ацев. Томи на крајот беше втор, а Евгениј трет. Со успехот во Охрид, Томи Стефановски го потврди одличното враќање во маратонското пливање, а првите честитки за историскиот резултат ги доби од сoпругата.