Со поддршка на француски експерти во Охрид ќе се интензивира реставрацијата и ревитализацијата на објекти од старата градска архитектура. Ова го најави францускиот вршител на должност амбасадор Жан Лик Форе- Турнер по потпишувањето на Меморандумот за соработка со министерката за култура Елизабета- Канческа- Милеска, кој се однесува на македонско- француската програма за заштита и промоција на културното наследство на Македонија за периодот 2013-2015.
Француските експерти ќе помогнат при утврдувањето на состојбата на објектите и планирањето на нивната реставрација и ревитализација.
Освен во Охрид, вакви зафати се предвиднеи и во Скопје, Битола, Штип, Велес, Крушево и уште неколку други градови во земјава.
Македонско–француската програма за заштита и промоција на културното наследство на РМ започна да се спроведува во 1999 година во партнерска соработка со градот Скопје, а потоа и со Битола и Велес како седиште на македонската Асоцијација на градови со архитектонско културно наследство.
OhridNews
