Глобалната слобода на печатот е падната на најниското ниво во последните 10 години, констатира американската медиумска организација „Фридом хаус“ во својот најнов извештај, јавува „Телма“.
Македонија бележи пад за уште две места во однос на лани, и се најде на 122. место, кое го дели со Кенија и Конго, а пред нас е Сиера Леоне.
Како причини за задушување на слободата на печатот се посочуваат јавните обиди на владите да ги контролираат весниците преку притисок врз новинарите кои известуваат за чувствителни теми и настани, преку ограничување на активностите на странските дописници и преку затегнување на ограничувањата врз новинарските сајтови на интернет и социјалните медиуми.
Од оценетите 197 земји и територии во 2013 година, 63 од нив (32 отсто) се оценети како слободни, 68 како делумно слободни, и 66 како неслободни.
OhridNews
извор: „Телма“
