Група хулигани ги претепала судиите по завршувањето на натпреварот Загоре-ХАШК, одигран во рамките на шестнаесетина финалето во фудбалскиот Куп на Хрватска, пренесуваат хрватските медиуми.

Инцидентот се случил во средата, во малото место Унешиќ, во шибенско-книнската жупанија.

Натпреварот по 120 минути игра завршил со победа на ХАШК од 4:2. Незадоволни и револтирани од судењето, група на домашни навивачи и неколку членови на раководството на Загора, влегле на теренот и го нападнале главниот судија Дује Струкан и неговите помошници, од кои еден со полесни повреди завршил во болница.

Поголем инцидент бил спречен благодарение на интервенцијата на локалната полиција.

извор “Макфакс“
Ohridnews