Евроамбасадорот Ерван Фуере по средбата со лидерот на СДСМ, Бранко Црвенковски уште еднаш повтори дека бојкотот не е начин за решавање на проблемите во Собранието и ја повика опозицијата да се врати во законодавниот дом. Тој изрази жалење за неуспехот на владата да ги следи препораките на Европската комисија. „Истовремено морам да кажам дека жалам за неуспехот на владата да ја следи препораката на комисијата од оваа година и од минатата година да обезбеди политички дијалог и токму поради тоа необезбедување на политички дијалог во земјава, се наоѓаме во денешната ситуација“, рече Фуере.

Тој ги повика властите да организираат лидерска средба која ќе биде фокусирана на новонастанатата политичка ситуација.

Фуере е категоричен дека политичка криза има, но вели дека сите партии треба да ја испитаат својата одговорност за ова што се случува. Во врска со слободата на медиумите Фуере вели дека владата треба да создаде услови за непречено функционирање на медиумите.

OhridNews
извор: Makfaks