Во рамки на балканската турнеја, генералниот секретар на Обединетите нации Бан Ки Мун денеска ќе допатува во Охрид, каде ќе биде пречекан од Претседателот на Република Македонија, д-р Ѓорге Иванов.
Бан Ки Мун доцна попладне ќе пристине на аеродромот „Св. Апостол Павле“. Тој најпрвин ќе ја посети школата за лидери поддржана од претседателот Иванов, кој во чест на високиот гостин ќе приреди свечена вечера на која ќе присуствуваат и сопругите на двајцата политичари.
Утре рано наутро предвидена е тет а тет средба Иванов –Ки Мун, по што ќе биде одржана заедничка прес конференција.
Како што е најавено, генералниот секретар на ОН, ќе ги разгледа културно историските знаменитости на Охрид, при што ќе ги посети Плаошник, Галеријата на икони и црквите Св. Богородица Перивлепта и Св. Софија, a во знак на сеќавање од претседателот Иванов на подарок ќе добие резба со историски мотиви.
Утре попладне Бан Ки Мун ќе отпатува за Скопје каде ќе се обрати во Парламентот и ќе се сретне со премиерот Никола Груевски.
Во раговорите со државниот врв ќе доминира прашањето за спорот за името, но не се очекува нов конретен предлог од медијаторот Метју Нимоц кој ќе го придружува генералниот секретар на ОН. Според најавите на средбите со Иванов и Груевски, ќе биде отворено и прашањето за грижата за Охрид како светско културно и природно богатство заштитено од УНЕСКО.
OhridNews
