Mисијата на тим лидерот од Проектот за заштита на биодиверзитетот во Дримскиот Басен, денеска престојува во Охрид.
Проектот опфаќа компоненти поврзани со заштита на биодиверзитетот на Охридско, Преспанско и Скадарско Езеро. Главната компонента која се однесува на Охридското Езеро е заштитата и унапредувањето на Студенчишкото блато и другите блатни предели како дел од екосистемот на езерото.
-Целта ни беше со германска помош да ја ставиме и заштитата на Студенчишкото Блато и другите блатни предели во сливот на Охридско Езеро како еден од главните приоритети. Од тим лидерот на денешната средба бевме информирани дека заштитата на Блатото дефинитивно станува една од компонентите на проектот. Ваквиот обезбеден меѓународен интерес очекувам да помогне конечно да почнеме со реално решавање на иднината на она што остана од Студенчишко блато во границите на строго заштитениот дел и негово идно искористување во туристички и научни цели што повратно пак долгорочно би ја обезбедило негова одржливост.-изјави Дејан Пановски, македонски претставник во проектот.
Проектот е финансиран од Германската влада преку ГИЗ и ќе се имплементира преку Министерствата за животна средина како институционални партнери, а е дел од лобирањето и во рамки на процесот Дримски дијалог.
OhridNews
