Од локалната самоуправа информираат дека овластените туристички инспектори, согласно законските обврски, ќе вршат увид во книгите за евиденција на гости на давателите на услуги од мал обем. Увидот ќе се врши во просториите на Општинскиот инспекторат (над УНИ БАНКА поранешна зграда на ЗПП на трети спрат) секој работен ден од 09:00 до 15:00 часот.
Врз основа на Законот за такса за привремен престој и измените и дополнувањата на Законот за туристичка дејност и Законот за такса за привремен престој предвидени се законски глоби доколку во одделен случај не се подмири обврската по основ на Такса за привремен престој за извршената услуга за ноќевање.
Известувањето е последна опомена пред изрекување на казнените одредби согласно законските овластувања доколку давателите на ваков вид услуги не ги исполнале законските обврски.
OhridNews
