Бројот на туристи само во првите два месеца од годинава, е зголемен за 25 отсто, изјави министерот за економија Ваљон Сарачини, кој вчера во Скопје го отвори Меѓународниот саем за туризам.
– Лани и оваа година ги достигнуваме најдобрите резултати во туризмот за изминатата деценија. Вкупниот број туристи е зголемен за 10,5 отсто, додека ноќевањата бележат пораст од 7,6 проценти. Значително е и зголемувањето на странските гости од 25,1 отсто, како и на ноќевањата, за 35,1 процент, додека девизниот прилив во 2011 година е зголемен за 25 отсто, рече Сарачини.
Голем удел во порастот на бројот на туристи во земјава има враќањето на холандските гости на охридската ривиера, кои и оваа година се очекуваат во голем број.
На саемот во Скопје се претставуваат туристички агенции и хотелиери од регионот, а како гости учествуваат и претставници од земји-членки на Европската унија и на светски манифестации и организации од областа на туризмот.
OhridNews
