Денеска во Скопје ќе се одржи годишно редовно собрание на Здружението на новинари на Македонија. На собранието кое нема да биде изборно, се очекува отворена дебата околу актуелните состојби во новинарската фела. Претставниците на медиумите ќе имаат можност да разговараат за акциониот план изготвен од ЗНМ со кој се предлага динамика за разрешување на најгорливите прашања кои ги засегаат новинарите.
Новинарите ќе разговараат и за најновите настани околу кои се појавија мноштво информации и недоразбирања за разговорите со Владата, па членовите ќе бидат детално информирани за овој процес на разговори.
Некои од медиумите реагираа дека власта подготвува ригиден закон и регулација на пишаните медиуми, додека ЗНМ и Владата излегоа со заедничко соопштение дека процесот е на самиот почеток во фаза на утврдување дали воопшто треба измени и дополнувања на постојните закони за регулирање на медиумскиот простор.
OhridNews
