Утре, од 10 до 12 часот во дворот на ОУ Христо Узунов ќе бидат поделени преостанатите од вкупно 500 жардиниери, предвидени за граѓаните кои живеат на улиците “ Даме Груев“од пресекот со „Туристичка“ до „Питу Гули“ ; „Јане Сандански“ од пресекот со „Туристичка“ (Маркет Макси Д) до „Сирма Војвода“ ( кружен тек кај болницата ); “Питу Гули“ ; „Марко Нестороски“ ; „7-ми Ноември“ ;„Васил Главинов“ ; „Крсте Мисирков“ ; „Кузман Шапкарев“;„Богомилска“ ; „Ѓорче Петров“ и „Караорман“.
– Денес интересот од граѓаните за жардиниерите беше огромен. Станува збор за традиционална акција која започна да се реализира минатата година, во централното градско подрачје. Целта на акцијата е да се поттикнат граѓаните да ги украсуваат своите балкони со саксиски цвеќиња, вели Јасмина Момироска, од Одделението за заштита на животната средина.
Проектот Цветни балкони- цветен Охрид е дел од активностите на општина Охрид во рамки на Неделата на животна средина, а по повод 5- ти јуни, Светскиот ден на животната средина.
