На 49 -те Смотри на Народна Техника, одржани на 27 април во Штип учениците од охридската гимназија докажаа дека по Академијата Микросам од Прилеп, во применет софтвер, се најдобрите во земјава. Додека пак, во областа на географијата само три поени ги делат од првото место.
Од областа на информатика, со тема од применет софтвер „ Веб Системот на Охридски Хор “- Кристијан Ѓорески од III-6, под менторство на проф. Марија Попоска освои второ место.
Од областа географија со тема „Сличности и разлики на одделни климатски елементи во различни климатски појаси“ ученичката Елена Китевска III-8, го освои третото место под менторство на проф Менка Ѓореска.
Републичкиот натпревар организиран од Народна Техника го оценува не само знаењето на учениците од областа, туку и неговата примена, кон која се стреми современото образование, потенцираат од ОСУ „Св. Климент Охридски“.
OhridNews
