Полициските служби на СВР Охрид утрово започнаа голема полициска акција во реонот на Општина Дебрца за потрага по 14-годишното девојче од селото Лешани, кое се води како исчезнато повеќе од три недели.
Како што информираше потпаролот на охридската полиција Стефан Димоски во потрагата се вклучени полициски службеници од Охрид, Струга и Кичево, како и роднини на исчезнатото девојче и дел од месното население на општината.
-Ваква акција СВР Охрид реализираше и неодамна во атарот на селата Песочан и Црвена Вода, а на барање на Охридската полиција Министерството за внатрешни работи распиша и меѓународна потерница по исчезнатото девојче, изјави Димоски.
Ова е втор пат девојчето да го напушти својот дом. Претходно тоа беше пријавено за исчезнато на почетокот на ноември годинава. Тогаш беше пронајдено во Скопје и со придружба на еден родител беше вретено дома.
OhridNews
