Владата на вчерашната седница го назначи Горан Николовски за нов директор во Управата за безбедност и контра разузнавање – УБК, а Лазо Велковски ќе раководи со Бирото за јавна безбедност – БЈБ. И двајцата се искусни оперативци. Николовски моментално ја извршува функцијата началник во УБК, а Велковски кој повеќе од една деценија е во МВР по доаѓањето на министреот Оливер Спасовски беше поставен за началник во СВР Скопје.
За директорка на Управата за јавни приходи – УЈП владата ја именуваше Сања Лукаревска, а за директор на Агенцијата за храна и ветеринарство Зоран Атанасов. На владината седница беа разрешени членовите на Управниот одбор на шумскиот резерват Јасен и назначени нови. Исто така одлучено е за в.д. директор на Државниот просветен инспекторат да биде поставен Томе Спировски, а на негово барање разрешен е Државниот инспекторат за локална самоуправа Ванчо Шехтански.
OhridNews
