Клубот кој лани беше последно пласиран во второлигашката конкуренција, годинава шампионатот го заврши на второто место со што обезбеди пласман во елитата. Сите во клубот се свесни дека е потребна темелна реконструкција и реорганизација за што подобро преставување во елитата.
Џајо и “старата“ гарда
– На клубот во секој случај му е потребна голема реорганизација, и далеку попрофесионален однос на релaција управа – тренер – играчи. До овој успех стигнавме со доста млади и талентирани играчи кои се 92, 93 годишите. Потребно е да ги поставиме работите на здрави темели и само со добра работа и со 3-4 засилување ќе бидеме конкуренти. Она што е најбитно е да се создадат услови за работа, за соодветни подготовки и мислам дека во Првата лига ке бидеме екипа која ќе направи многу изненадувања – вели стратегот на “белите“ Ѓорески.
Пред клубот сигуно престои бурен период во кој ќе треба да ги консолидира своите редови за да биде вистински репрезент на градот Охрид во Македонија.
-Веднаш по завршувањето на шампионатот Управата ќе има состанок, ќе мора да се реоргазнизираме како прволигашки тим мора да имаме поголема дисциплина во работата. Пред нас ќе биде голем предизвик со кој се надевам дека успешно ќе се справиме. Целта ке бида да се задржи костурот на тимот, кој надограден со неколку појачувања ќе биде конкурентен во натпреварувањето – истакна Малезанов.
М.П.
