Охрид Лоте го претрпе првиот пораз во сезоната на гостувањето кај новиот лидер Миравци. Охриѓани беа поразени минимално со 1-0, и тоа со удар од белата точка.

“Градежниците“ натпреварот го завршија со девет играчи во поле. Прво  во 28 минута Абди при прекршокот за најстрогата казна беше исклучен, во 77 минута втор жолт, автоматски црвен заработи играч за врска Димоски.

Неколку минути подоцна главниот судија Јакимоски го исклучил и шефот Трифуноски, кој негодувал на одлуките донесени на штета на охриѓани.

Случајно или не, на Јакимоски не му е прв пат слабо да води еден натпревар на кој игра охридска екипа.

Пред три сезони Јакимоски на мечот на “Билјанини Извори“, меѓу Охрид и Нов Милениум кој заврши 1-3, им покажа црвени картони на Иваноски и Маркоски по што беше нападнат од страна на тогашниот претседател Сашо Алче, за што Охрид заработи суспензија на теренот од два натпревари.

Истиот овај судија , син на познатиот интернационалец Делчо Јакимоски на гостувањето на Охрид кај Нов Милениум, наредната сезона исклучи двајца фудбалери на ФК Охрид. Тогаш предвреме мечот го завршија Исаку поради втор жолт, како и голманот Абди поради директен црвен картон.

Јакимоски го “вцрвена“ Охрид

Трет пораз во серија за “сините“ ! !

М.Постоловски