Градоначалникот на општина Охрид , Александар Петрески и на турскиот град Јалова, јакуп Кочал потпишаа декларација за збратимување на двата града.
– На овој голем ден го потпишуваме збратимувањето помеѓу Охрид и Јалова според одлуките кои претходно го донесоа на советите на двете општини. За нас оваа соработка значи многу. Охрид е најубавиот град во Македонија и затоа сакаме да соработуваме со најубавите градови од другите држави, како што е Јалова кој е исто така многу убав град со прекрасни бањи и плажи, рече градоначалникот Петрески.
Според градоначалникот на Јалова, Јакуп Кочал, збратимување ќе придонесе кон зближување на граѓаните од двата града. – По овој чин очекуваме дека ќе се развие голема културна и социјална соработка, истакна Кочал.
По потпишувањето на декларацијата за збратимување двата градоначалници разменаа пригодни подароци и наздравија за понатамошна успешна соработка.
Ohridnews
