Општинското јавно претпријатие „Градски гробишта“ ги известува граѓаните кои поседуваат, односно се старатели на гробни места,а кои не го подмириле надоместокот за одржување, дека јавното претпријатие 1- ви декември ќе почне со поведување судска постапка за наплата на заостанатите долгови, поради можноста од застарување на побарувањата.
– Ги молиме граѓаните благовремено да ги подмират своите долгови кон ЈП Градски Гробишта како би избегнале дополнителни судски, нотараски и други трошоци – стои во известувањето на јавното претпријатие.
Плаќањето може да се изврши во административните простории лоцирани во Градскиот Пазар, како и во административните простории лоцирани во кругот на градските гробишта секој работен ден од 07 до 19 часот, и во сабота и недела од 07 до 13 часот.
За дополнителни информации граѓаните можат да се обратат на тел.046 267-268.
OhridNews
