– Од страна на Комисиите за одлучување по прекршоци донесени се вкупно 1.849 решенија за запирање на постапката поради доставена потврда за извршена општокорисна работа како замена за изречената глоба или доставена уплатница за платена глоба. Поголемиот број на решенијата за запирање на постапката се донесени по доставена потврда за извршена општокорисна работа, информираат од министерството.
Согласно Законот за јавна чистота, предвидено е на физички лица да им биде изречена глоба во износ од 50 евра во денарска противвредност доколку фрла отпадоци, отпушоци и други предмети, односно во ходниците на јавните објекти и доколку на јавни објекти испишува графити, црта или лепи плакати. Субјектите на кои им е изречена санкција за прекршување на законските одредби, можат да одберат порамнување на глобата со извршување на општокорисна работа.
