ГРК Охрид ќе ја брани титулата во финалето на Струшкиот турнир

ГРК Охрид обезбеди пласман во финалето на 54. Меѓународен ракометен турнир во Струга, откако синоќа ја совлада екипата на Дубочица со 26:21.

Охриѓани ја забележаа втората победа на турнирот и со максимални шест бода го освоија првото место во групата А, пред Дубочица и домаќинот Струга, со што обезбедија настап во мечот за трофејот.

Во победата над Дубочица, Стрмљан постигна 6 гола, Мате 5, Ѓукиќ 4, Ојлески и Јошида по 3, Зечевиќ, Ивановски и Кеита по 2, а Савревски и Лиапис по еден гол. Одличен настап имаше и голманот Славиќ со 14 одбрани.

Во групата Б, Вардар 1961 и Прилеп имаат по три бода, додека Бутел е без бодови. Во синоќешниот натпревар Прилеп го совлада Бутел со 31:29.

За ГРК Охрид ова ќе биде можност да го одбрани трофејот на традиционалниот Струшки ракометен турнир, кој го освои минатата година.

Г.М.