ГРК Охрид ќе го брани трофејот на 54. издание на традиционалниот Меѓународен ракометен турнир „Струга 2026“ што се одржува од денес до 15 август на отвореното игралиште „Горан Попоски – Бабец“.

Годинава на турнирoт ќе настапат шест екипи, поделени во две групи. Во групата А се Вардар, Бутел Скопје и Прилеп, додека во групата Б ќе играат домаќинот Струга, Охрид и српскиот претставник Дубочица од Лесковац.

Првиот ден меѓу двата натпревара ќе се одржи и свеченото отворање на турнирот. Во 18:30 часот играат екипите на Вардар и Прилеп, следи од 20:00 часот Свечено отворање, а во 21:15 часот играат ГРК Охрид и домаќинот Струга.

Утре и во петок ќе се играат по два напревари на ден, додека во сабота се дуелите за пласман.

Струшкиот турнир се одржува во организација на РК Струга, со поддршка од Ракометната федерација на Македонија.

OhridNews