„Признаена од Грција како ПЈРМ“ е содржината на натписот што грчките царински служби започнале да го лепат на возилата со македонски регистарски ознаки при влез во земјата.

На овој начин грчките царински служби ја покриваат ознаката МК, која е содржана на новите македонски регистарски таблички, пренесува „Макфакс“.

Налепницата зафаќа околу 1/3 од површината на табличката, а нејзината содржина е напишана на грчки и англиски јазик.

Налепници со слична содржина грчките царински служби поставуваа на задните стакла на автомобилите со македонски таблички и во минатото.

OhridNews
Извор: „Макфакс“