“Учениците“ на Ванчо Питошески ремизира 3-3 против Ликвид на отварањето на првиот натпревар од втората рунда во Б групата.
Фаворизираниот тим на Ликвид според очекувањата дојде во предност веднаш на стартот од мечот. Раниот погодок не ги поколеба “црвените“ кои го возвратија “ударот“ преку Михаилов, додека со погодокот на Трајкоски направија комплетен пресврт од 2-1, резултат со кој се замина на одмор.
Екипата на Ликвид се консолидираше и успеа да го изедначи резултатот на 2-2 со голот на Миминоски. Но наместо да го финишираат противникот, “белите“ се опуштија по што следуваше уште еден контраудар. Мустафоски ја доведе екипата на “Ванчо Питошески“ повторно во предност. Гол предноста 3-2 ја имаа се до последната минута од мечот кога го платија данокот на неискуството, и Ликвид преку Атај израмни на 3-3.
– Со секој еден натпревар нашата екипа станува поискусна, на два пати имавме предност од 2-1 и 3-2, но не успеавме да реализираме контранапади со кои ќе го “затворевме“ мечот. За нас останува последниот меч на кој ќе ја бараме шансата за пласман во нокаут фазата – рече Тони Андреески.
Без победник и без голови заврши втората пресметка во оваа група. Кадмо имаше серија прилики но не успеа да го совлaдаaт одличниот Пејоски на голот на Охридски Комуналец.
Чашитоски и Толески ги имаа најубавите прилики за “црните“ но мечот кој помина во цврста игра заврши онака како и што започна со почетните 0-0.
– Тежок натпревар, во кој преовладуваше тактиката. Тие се искусна екипа, знаеа што сакаат низ целиот меч и го остварија. Ние си имавме свои шанси кои нажалост не ги искористивме. Групата многу компликуваше откако нашите конкуренти Ликвид ремизираа и натпревар меѓу нас ќе одлучува за многу работи – истакна најдобриот фудбалер во екипата на Кадмо, Тодоровски Горан.
Резултати:
Ликвид – Ванчо Питошески 3-3
Кадмо – Охридски Комуналец 0-0
Табела:
| 1 | Ликвид | 2 | 1 | 1 | 0 | 8-3 | 4 |
| 2 | Кадмо | 2 | 1 | 1 | 0 | 3-1 | 4 |
| 3 | Ванчо Питошески | 2 | 0 | 1 | 1 | 4-7 | 1 |
| 4 | Охридски Комуналец | 2 | 0 | 1 | 1 | 0-5 | 1 |
Во наредната трета рунда ќе се сретнат :
04.04 19.00 Ванчо Питошески – Охридски Комуналец
04.04 20.00 Ликвид – Кадмо
Ohridnews
