Пресметката меѓу битолските екипи му припадна на ланскиот освојувач на третото место Дисконт Царовски со убедливи 5-0. Најзаслужен за триумфот на “зелените“ беше Соколовски кој постигна хет трик додека по еднаш мрежаа ја затресија Ѓорговски и Ѓеровски.
Добро го отворивме мечот, постигнавме гол кој ни внесе голема самодоверба која се покажа пресудна. Минатата година завршивме на третата позиција, а оваа година ќе атакуваме на златниот медал – истакна Соколовски кој со “хет трик“ ја зачини победата на “зелените“.
Лошо почнавме, а потоа добро игравме. Брзиот гол ја пресече нашата концепција, нападнавме, но остадовме премногу простор кои играчите на Дисконт Царовски умеаа да го казнат – потенцираше Пластиновски.
На останатиот натпревар во Д групата “забарите“ забележаа триумф од 4-2. “Забарите“ на крилата од Николовски кој постигна три погодоци ги прокнижија првите бодови во групата. Кочоски беше стрелец на четвртиот погодок за Практикер Дент а головите за Данан Сат ги постигнаа Кузмановски и Бафто.
Одигравме добар натпревар, забележавме значајна победа која ни ги отвара вратите кон наредната фаза. Очекувам уште една победа за да го потврдиме пласманот – истакна “искусниот“ Мешкоски.
Возбудлив е малиот фудбал, тоа се покажа и на мечот со Практикер Дент. Пораз не чинеа нашите грешки, останува да се консолидираме и да одиграме добро на наредните два натпревари – смета Бафто.
Група Д
Практикер Дент- Данан Сат Биг 4-2
Дисконт Царовски – Ресторан Балкан 5-0
Табела:
| 1 | Дисконт Царовски | 1 | 1 | 0 | 0 | 5-0 | 3 |
| 2 | Практикер Дент | 1 | 1 | 0 | 0 | 4-2 | 3 |
| 3 | Данан Сат Биг инженеринг | 1 | 0 | 0 | 1 | 2-4 | 0 |
| 4 | Ресторан Балкан | 1 | 0 | 0 | 1 | 0-5 | 0 |
Наредни натпревари
27.03 23.00 Ресторан Балкан – Практикер Дент
29.03 20.00 Дисконт Царовски – Данан Сат Биг инжинеринг
02.04 19.00 Данан Сат Биг инжинеринг – Ресторан Балкан
02.04 20.00 Практикер Дент – Дисконт Царовски
Ohridnews
