Од Авто-мото сојузот на Македонија информираат дека поради магла намалена видливост од 100 до 150 има на патните правци Тетово-Скопје и Тетово-Попова Шапка.
Сообраќајот на сите државни патишта во Македонија се одвива без забрани, по влажни коловози. Во југозападниот дел од Републиката има врнежи од дожд.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, каде е можна почеста појава на одрони.
Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата.
Од АМСМ ги потсетуваат возачите на законската обврска за поседување на зимската опрема во возилата, без оглед на моменталната временска состојба. Таа обврска ќе трае до 15 март.
OhridNews
