Се зголемува нервозата и притисоците се се’ поголеми, беше речено на прес конференцијата на која говореше носителот на листата на кандидати за членови на Совет на НСДП, Верица Хајба.
–НСДП ве повикува да не дозволите вашиот глас да биде купен за ситни пари, да не дозволите бугарскиот воз да остане во Македонија и вашиот глас да го фрлите попусто. Спроведувањето на мирни и фер избори е испитот пред кој Македонија ќе биде исправена на овие избори, кои се од осбена важност за влезот во Македонија во ЕУ и НАТО, рече Хајба.
Таа напомена дека советничката група на НСДП во идниот состав на советот нема да се води од лични интереси, како што било досега и ќе се труди сите граѓани да имаат корист од работата на Советот, а не поединци.
–Верувам дека со нашето однесување и со нашата кампања ќе ја промениме сликата на подобро во што искрено веруваме. Ве повикувам да кажете НЕ на сите лаги и да гласате за оние кои имаат визија, а не за оние што ве враќаат во минатото, додаде Хајба.
