Националниот стадион на шкотската репрезентација, познатиот „Хампден парк“ е распродаден за дуелот против Македонија в сабота. Шкотска ќе има поддршка од 52.000 гледачи, кои се надеваат дека со победа над Македонија ќе ги задржат шансите за влез во баражот за Светското првенство во Јужна Африка в година. Победникот од дуелот в сабота во Глазгов, речиси сигурно ќе биде втор во групата и ќе се бори за место во баражот.


ги чека пекол на “Хемпден парк“

Шкотските навивачи, познатата „Тартан армија“ ќе ја поддржи репрезентацијата во клучниот меч против Македонија, а четири дена подоцна и против Холандија, која веќе има обезбедено место на планетарниот собир. Навивачите на Шкотска се познати како најдобри и најлојални на својата репрезентација. Според извршниот шеф на шкотската федерација, Гордон Смит дуелите против Македонија и Холандија, за Шкотска ќе бидат како полуфинале и финале за на СП.