Хуманитарната акција која ја поддржаа сите навивачки групи во Македонија вклучувајќи и охридската „Рибари“ е успешна откако Андреј се врати во Битола. За неговото лекување во Турција беа потребни финансиски средства кои неговата фамилија неможеше да ги обезбеди. Навивачките групи низ Македонија се обединија и сите заедно ги обезбедија средствата за лекување на Андреј.
Покрај хуманитарни средства битолчани организираа турнир кој беше наменет за собирање средства за Андреј. На тој турнирот учествуваа и „Рибарите“ и за помош на Андреј му ги пружија двете раце.
– Почитувани, сакаме да ве известиме дека хуманитарната акција која ја спроведовме ова лето за нашиот другар Андреј е целосно успешна. Андреј минатата среда се врати од долгото лекување во Турција,сега е добар и закрепнува. Од наше име а и од името на Андреј сакаме да ви изразиме на сите уште еднаш голема, голема благоарност за одвоените средства ,потрошената енергија и несебичната подршка која ја издвоивте во име на хуманоста за Андреј. Затоа уште еднаш БЛАГОДАРИМЕ МАКЕДОНИЈА ! ! ! – стои во соопштението од „чкембарите“.
Тогаш „Рибарите“ на полигонот за спортски натпревари и на градскиот плоштад собираа хуманитарни средства и му помогнаа на Андреј да се врати каде што му е местото на трибината.
Мх.П.
