Во рамки на „Декември- месец на отворено срце“, утревечер, во лаунџ барот „Објектиф“ ќе се оддржи хепенинг кој заеднички го реализираат претпријатието „Отпад“, јавното комунално претпријатие, локалната самоуправа, Ротари клубот од Охрид, Лајанс клубовите Десарети и Лихнидос, училиштата од општина Охрид и други институции и невладини организации. Настанот ќе започне во 22 часот, а за веселата атмосфера ќе се погрижи познатиот охридски бенд „Камелеон“.
Во среда, со почеток во 12 часот, во спортската арена „Атина Бојаџи“ ќе се одржи традиционална предновогодишна детска забава .
На забавата ќе настапат ѕвездичките од „Распеано рибарче“, Ѓоко Танески, Денис Мурат, Боби Мојсоски и други, а ќе бидат изведени и пригодни точки од ученици.
Влезот за најмладите изнесува симблични 10 денари, за професорите 20, а на публиката ќе и биде оставено да донира онолку колку што може и сака.
