Во рамки на победничкиот Service Learning проект „Оброк + заедничка активност – Храна без отпад за сите“, учениците од РЦСОО „Ванчо Питошески“ – Охрид успешно ги финализираа сите предвидени активности.
Во духот на празниците, нашите ученици подготвија бесплатни, здрави и внимателни оброци, кои беа донирани на семејства од социјално ранливи категории во заедницата. Со ова, младите од нашето училиште уште еднаш покажаа солидарност, емпатија и желба за вистинска промена, велат од училиштето.
Посочуваат дека ментори на проектот се психологот Даница Скрческа и професорот Ристо Николески, но упатуваат голема благодарност до наставниците Катерина Џамбазовски и Војо Ангелоски, чиишто ангажман и поддршка биле клучни за реализацијата на активностите.
Горди сме на нашите ученици кои со својата човечност и посветеност донесоа празнична радост таму каде што е најпотребно. Продолжуваме да создаваме млади лидери кои ја менуваат заедницата!, додаваат од училиштето.
OhridNews
