И советникот Настоски со советничка листа за општина Охрид

Се зголемува бројот на поднесени предлог листи на кандидати за избор на членови во општинскиот совет, кои се поднесуваат од група избирачи.

Како што OhridNews дознава, советничка листа поднел и Љупчо Настоски, независен советник во актуелниот состав на советот, често присутен во јавноста донирајќи за институции во градот и за поединци. 

Деновиве советничка листа поднесе и советникот Кујтим Усеини. За поднесување на предлог листи на кандидати за избор на членови во општинскиот совет,потребна е подршка од најмалку 350 потписници, а еден граѓанин може да се потпише само на една предлог- листа.

Законската можност за поднесување на кандидатури за кандидати за градоначалник и за поднесување на предлог листите на кандидати за избор на членови во општинскиот совет, започна на 26- ти јануари со отворањето на избирачкиот список на увид, а завршува на 9- ти февруари на полноќ.