По вчерашното поднесување на оставка од местото претседател на ЛДП, од страна на Јован Манасиески, и претседателот на Нова демократија, Имер Селмани денес соопшти дека се повлекува од претседателската функција на партијата. Со ваквиот чин, како што рече Селмани, ја превзема одговорноста за неуспехот на изборите.
 
„Сакам да информирам дека како морален чин  ќе поднесам оставка од  функцијата претседател. Пресудата на народот е во право, без разлика дали таа им се допаѓа  на политичарите или не “, изјави Селмани.

Нова Демократија освои повеќе од 20.000 гласа, но не доби ниту еден пратенички мандат.

OhridNews