Туристите и македонските иселеници, на влез во земјава отсега ќе добиваат информативни брошури со информации за задолжените процедури при престојот во Македонија. Акцијата ја започна министерката Гордана Јанкуловска денеска на аеродромот Александар Велики во Скопје.
Брошурите и плакатите содржат корисни информации за услугите кои ги вршат МВР, Министерството за надворешни работи како и Управата за матична евиденција во делот на издавање и замена на лични карти, патни исправи и возачки дозволи, пријавување престој во земјава, пријавување на новородено дете, издавање на уверение за државјанство и останати услуги за граѓаните.
Брошурите и плакатите се на македонски и на англиски јазик и ќе бидат дистрибуирани на сите гранични премини, потоа во дипломатско конзуларните претставништва на земјава, како и до македонските организации ширум светот.
OhridNews
