На летната сцена на Центарот за култура “ Браќа Миладиновци” во Струга вечерва ќе се одржи премиера на театарската адаптација на романот “ Инсомниа” на авторот Димитрија Дурацоски. Изведбата е од страна на групата “ Везденски”, која важи за неформална група, формирана во јули 2009 во Струга.
Дејствува на полето на културата во контекст на особеностите на градот, а во релација со современите пристапи на уметноста. Везденски групата ја сочинуваат млади еминентни имиња, кои допрва треба да блеснат како уметнички потписи на македонската сцена.
Првата продукција на групата е драмскиот рецитал “Ајштајновите Сништа“–адаптација на делото на Ален Лајтман, одржана во јули 2009.
Поединците од групата, во Струга, постојано оставаат уметничко културни белези. Ова лето тие имаа свои индивидуални изложби, промоција на книги, се имплементираа нови креативни програми како вид настава за млади и креираа мрежи кои би помогнале во креирањето на едно покултурно читање на градот.
OhridNews
