Државен Инспектор за животна средина од Одделението за инспекциски надзор во животната средина-Пелагониски и Југозападен регион, Канцеларија Охрид во текот на пролетните месеци март-април изврши 7 инспекциски надзори во хотелски објекти во општините Охрид и Струга.
Станува збор за хотелите „Аквалина“, „Метропол“, „Гранит“, „Десарет“ и „Инекс“, како и „Инекс Дрим“ и „Изгрев“ во Струга. Сите овие објекти поседуваат Елаборати за животна средина и отпадните води се поврзани на градска канализациона мрежа, информираат од Министерството за животна средина.
Додаваат дека инспекциските надзори се реализираат континуирано согласно годишниот и месечниот план за работа на Државниот инспекторат за животна средина.
OhridNews
