Државниот санитарен и здравствен инспекторат – ДСЗИ најави дека ќе започне строга контрола на јавните здравствените установи со цел заштота на правата на пациентите во тек на штрајкот на здравствените работници. ДСЗИ информира дека видно обележани инспектори ќе вршат контрола во одредени јавни здравствени установи секој ден во периодот од 07:30 -14:00 часот.
-ДСЗИ ги повикува сите граѓани кои имале потреба од здравствена заштита во наведените здравствени установи, особено оние граѓани со малигни заболувања кај кои била потребна хируршка интервенција, при што здравствената заштита не им била укажана поради одржувањето на штрајкот, со што бил доведен во опасност животот или здравјето на граѓаните, за ова веднаш да се обратат до инспекторите-соопшти инспекторатот.
ДСЗИ најави дека дека ќе бидат преземени сите неопходни мерки согласно законот со цел заштита на животот и здравјето на граѓаните, како и навремено обезбедување на неопходната здравствена заштита.
извор:„Макфакс“
