Затворање на угостителски објект до 7 дена за трговец поединец и до 15 дена за правното лице, доколку Државниот пазарен инспектор утврди дека во него се пуши. Ова се дел од измените во Законот за заштита од пушењето, што Собранието вчера ги усвои по скратена постапка.
Новина е и тоа што извештаите за утврдените неправилности кај физичките и правните лица инспекторите сега се должни да ги објавуваат јавно секои 4 месеци на веб страницата на Инспекторатот.
На седницата беше укажано дека во Македонија годишно се пушат околу 11.000 тони цигари што е 5,5 килограми цигари по поединец. Над 40 отсто од популацијата пуши, од тоа 20 проценти се средношколци, а старосната граница на пушачи е спуштена под 14 години.
OhridNews
