Интернетот е број еден медиум покажале истражувањата на компанијата компанија „ТНС Софт“извршени во 46 земји, над 50.000 сопственици на компјутери. Според истражувањето „Дигитален живот“, дури 61 отсто од испитаниците изјавиле дека секојдневно се приклучуваат на Интернет, 54 отсто гледаат телевизија, 36 отсто слушаат радио, а 32 отсто читаат весници, пренесува францускиот неделник „Нувел обсерватер“.
Во пораст е умрежувањето и вклучувањето на социјалните мрежи, во што рекордери се Малезијците кои просечно пред компјутер минуваат 9 часа неделно.
Во Македонија повеќе од половина население користи Интернет, односно 1.057.400 луѓе дневно се онлајн.
Последните анализи направени во месец август покажуваат дека бројот на интернет корисници во Македонија во изминатите десет години се зголемил за 3.424 проценти, односно од 30.000 во 2000 година на повеќе од милион во 2010.
OhridNews
