Дел од инвентарот на основното училиште „Гоце Делчев“ во струшко Подгорци, вчера бил делумно оштетен.
Од СВР Охрид информираат дека не станува збор за кражба, туку за оштетување на инвентар во училиштето. Посочуваат дека во инцидентот кој се случил ноќта помеѓу четврток и петок, засега непознати сторители оштетитле пет врати и дел од санитаријата во училиштето.
Неодамна под нејасни околности бистата на Гоце Делчев беше симната од постаментот во близина на училиштето кое го носи неговото име, а веќе подолг период во образовната установа присутни се недоразбирања поврзани со изведување на настава на албански јазик за помала група ученици од Подгорци.
OhridNews
