Врз основ на доставен список од ЈЗУ Општа Болница, а по претходно потпишаниот меморандум за соработка меѓу градоначалникот Никола Бакрачески и директорот на Општа болница Љубен Арнаудов, локалната самоуправа на 15 мајки на новороденчиња, родени во текот на месец јануари им додели еднократна парична помош во висина од 5000 денари.
Финансиската поддршка на локалната самоуправа е во насока на стимулирање на наталитетот и со неа се опфатени бебињата кои се родени во Одделението за гинекологија при Општата Болница, чии родители се со постојана адреса на живеење во општина Охрид.
Во наредниот период со паричната помош предвидено е да бидат опфатени и новороденчињата,независно во кој град се родени, чии родители живеат и работаат во Охрид.
OhridNews
