Претседателот на РМ, Ѓорге Иванов и поглаварите на Македонската православна црква и на Исламската верска заедница, Архиепископот Охридски и Македонски г.г. Стефан и Реис ул улема хаџи Сулејман ефенди Реџепи по одржаната средба по повод настаните во општините Вевчани и Струга со единствен став- кој било изолиран инцидент, каде и да се случил, треба да биде осуден од страна на сите.
Претседателот Иванов очекува извршителите на инцидентите да одговараат согласно законите. Поглаварите на двете најголеми верски заедници изразиле увереност дека традицијата на заеднички живот која опстојувала со векови останува вредност и придобивка на сите граѓани. Заеднички упатуваат порака за одговорност во негување на традиционално добрите меѓуверски односи и на културата на толеранција.
Меѓудругото, претседателот Иванов на средбата побарал поглаварите на МПЦ и на ИВЗ да го вложат својот авторитет и да влијаат за поголемо меѓуверско разбирање.
OhridNews
