На свечена церемонија, претседателот Ѓорге Иванов вечерва во хотелот Климетица, на годинашните учесници во Школата за млади лидери ќе им додели сертификати за учество и успешно завршување на интензивниот лидерски тренинг.
На Школата за лидери, чиј домаќин од 20 август е Охрид, учествуваа учествуваа 29 еминентни предавачи од државата и странство од врвни образовни и професионални институции, политичари и парламентарци од европски земји, амбасадори, министри, претседатели на успешни компании, бизнис групации, институти и невладини организации.
Школата за млади лидери, како проект на претседателот на Република Македонија, е основана следејќи ја неговата визија за поддршка и инвестирање во образованието и надградба на младите македонски граѓани. Основната цел е да им овозможи на младите луѓе од Македонија да го развиваат својот креативен потенцијал и лидерски вештини, да стекнуваат знаења и да разменуваат искуства.
OhridNews
