На претседателскиот Самит кој во јуни ќе се оддржи во Охрид, нема да има претставници од соседно Косово. Како што информираат од кабинетот на претседателот Ѓорги Иванов, оваа земја не е формален член на ПСИЈЕ и затоа нема покана на форумот.
„Република Македонија се залага за инклузивност во регионалната соработка и на тој принцип се заснова нашата политика. Во досегашниот утврден формат на сите досегашни самити на ПСЈИЕ, Косово не фигурира како формален член.“ – стои во соопштението од кабинетот на претседателот Иванов.
Инаку, на самитот ќе присуствуваат претседателите на Хрватска, Србија, Албанија, Молдавија, Романија, Црна Гора, Словенија, претседавачот на претседателството на Босна и Херцеговина и Министерот за надворешни работи на Турција, Ахмет Давуоглу.
OhridNews
