ИВЗ: Мерки за заштита треба да се спроведат во секоја џамија

21.05.20 14:01

Исламската верска заедница (ИВЗ) соопшти дека Ријасетот ја откажал традиционалната централна манифестација за празникот Рамазан Бајрам.

Од ИВЗ објавија мерки за заштита од ковид-19 меѓу кои препорачуваат за молитви да се користат дворовите на џамиите, секој верник да си носи лично сеџаде, а при влез во џамиите да се прави дезинфекција на рацете или да се носат ракавици. Тоалетите и местата за земање абдест ќе бидат затворени.

Објавените мерки за заштита кои ИВЗ ги налага и треба да се спроведат во секоја џамија се:

Сабах намаз да се извршува дома;
Извршувањето на намазот на Фитр бајрам да не биде подолго од 15 минути;
Максимално да се избегнат поздравите со физички контакт;
Откажување од посета на гробишта;
За време на Фитр бајрам, традиционалните посети треба да бидат што е можно помалку;
Дезинфекција на џамии;
Задолжително носење маска;
Чистење раце со средство за дезинфекција при влезот во џамијата или да се носи ракавици;
Секој верник треба да има лично сеџаде;
Што повеќе да се користат дворовите на џамиите за обавување на молитвите;
Меѓу верниците да се запази физичката дистанца колку што е можно повеќе;
Забрането е престој во групи пред или по обавување на молитвите во џамијата;
Абдест да се зема дома – абдесхањата и тоалетите ќе бидат затворени;