Осмоодделенката Славица Танеска од ОУ „Григор Прличев“, Емилија Митреска од ОУ„ Христо Узунов“ и Марија Цветаноска од ОУ „Братство и единство“ се наградените основци чии ликовни творби беа оценети како најуспешни помеѓу бројните испратени цртежи на распишаниот конкурс на здружението „Богојавление“.
Првонаградената осмоодделенка Славица, по втор пат ја освојува наградата на манифестацијата Водици.
– За мене преставува голема чест и задоволство по втор пат да ја освојам оваа награда која ми е една од најомилените. Наградата се должи на мојата голема љубов и труд кој го вложувам при сликањето, изјави Славица.
Наградените ученици од страна на годинешниот кум на манифестацијата Водици, Стојан Ѓоргоски, добија парични награди.
OhridNews
