Во среда на 19 декември во Културно-информативниот центар „Култура 365“ во Охрид ќе биде отворена изложба на фотографот Никола Павлески под наслов „Ликови и занаети“. Ова ќе биде седма по ред негова самостојна изложба, по одржаните во Охрид, Корча, Поморие и други места.
Претставувањето на подзаборавените занаети и ликови од традицијата на македонскиот народ претставува уште еден поттик за охридската културна јавност да се потсети преку оваа изложба и да биде дел од зимската сезона на активности на Културно-информативниот центар, велат организаторите на изложбата.
Изложбата ќе биде отворена до 19 јануари 2013 година во галеријата при КИЦ „Култура 365“ на улица „Цар Самоил“ 34 во Охрид.
OhridNews
